Saturday, December 7, 2013
मलेसियामा नेपाली कामदारले पाए क्षतिपूर्ति
क्वालालम्पुर, मंसिर २३ - विभिन्न आरोपमा नेपाली कामदारलाई जबर्जस्ती नेपाल फर्काउन खाज्ने यहाँको एक कम्पनीले साढे ४ लाख रुपैयाँ क्षतिपूर्ति रकम तिरेको छ । जोहोरस्थित जेसिवाई कम्पनीले गत जनवरी १४ मा जबर्जस्ती घर फर्काउन विमानस्थल पुर्याएपछि त्यहाँबाट फर्किएर एक सामाजिक संस्थाको सहयोगमा न्याय खोज्दै अदालत पुगेका बाँके महादेवपुरी- ७ का शेरबहादुर विष्टलाई कम्पनीपक्षले गल्तीस्वरूप १५ हजार रिंगिट (४ लाख ५० हजार रुपैयाँ) रकम क्षतिपूर्ति तिरेको हो ।
६ वर्षदेखि कार्यरत विष्टलाई कम्पनीले घर फर्काउन विमानस्थल पुर्याए पनि जबर्जस्ती फर्काउन लागेको भन्दै उनी प्रगतिशील श्रमिक मञ्चमार्फत तानागानिता नामक संस्थामा पुगेका थिए । उक्त संस्थाको सहयोगमा औद्योगिक अदालत (इन्ड्रस्टियल कोर्ट) पुगेका उनले करिब १० महिनादेखिको उक्त मुद्दामा बुधबार न्याय पाएका हुन् ।
'१० महिनाअघि देखिको यो मुद्दामा कम्पनीले मलाई १५ हजार रिंगिट क्षतिपूर्तिस्वरूप तिरेको छ । मैले न्याय पाएको छु । खुसी लागेको छ,' उनले बिहीबार पत्रकार सम्मेलनमा भने, 'नेपालीबीच एकता हुनुपर्छ र आफ्ना अधिकारका लागि लड्न डराउनु हुंँदैन । तर यसका लागि विभिन्न संघसंस्थाबीच समन्वय हुनु पनि उत्तिकै आवश्यक छ ।' यसअघि पनि उक्त कम्पनीले विभिन्न आरोपमा कतिपय नेपाली कामदारलाई जबर्जस्ती फर्काउने गरेको उनले बताए ।
यो घटनाबाट कम्पनीमा रहेका अन्य नेपालीलाई समेत सहयोग पुगेको मञ्चका महासचिव प्रेम पाण्डेले बताए । विष्ट १० महिनापछि न्याय पाएका विष्ट केही दिनमै नेपाल र्फकंदै छन् ।
.jpg)
0 Responses to “मलेसियामा नेपाली कामदारले पाए क्षतिपूर्ति”
Post a Comment