Monday, December 9, 2013
पहिले चार छोरी त्यसपछी जन्मिए तिम्ल्याहा
बाबु भन्छन- दुहुनो भैँसी छ, मलाई के को डर ?
२५ मंसिर, गौर । रौतहटको लक्ष्मीपुर बेलबिछवा-६ रौतहटकी ३५ बषिर्य नमुनादेवीले चार छोरीपछि एकैपटक तिम्ल्याहा सन्तानलाई जन्म दिएकी छन् ।
प्रसुती ब्यथा लागेपछि सोमबार अपरान्ह नमुनालाई गौर अस्पताल भर्ना गरिएको थियो । अस्पताल भर्ना गरिएको केही छिनमा उनले एकपछि अर्को गर्दै तीनवटा सन्तानलाई जन्म दिइन् ।
यसअघि चार छोरीलाई जन्म दिइसकेकी नमुनाले तिम्ल्याहामध्ये पहिलो सन्तानका रुपमा छोरो जन्माइन् । त्यसपछि फेरी एक छोरा र एक छोरी जन्माइन् । तीनवटै सन्तान स्वस्थ्व रहेको अस्पतालका चिकित्सकले जनाएका छन् ।
नमुनाका पति शत्रुधन रायले एकैपटक तीन सन्तान जन्माउँदा निकै खुसी लागेको बताए । गाउँमै खेती किसानी गरेर जीवन चलाइरहेका रायले भने-’घरमा दुहुनो भैंसी छ । सात किलो दूध दिन्छ । मलाई सन्तान पाल्न गाह्रो छैन् ।’
भगवानले एकैपटक तीन सन्तान उपहार दिएको भन्दै उनले खुसी ब्यक्त गरे । नमुना र सत्रुधनकी जेठी छोरी १५ बर्षकी भइसकेकी छन् । कान्छी छोरी ३ बर्षकी हुँदा उनीहरुले एकैपटक तीन सन्तान जन्माउन पाए ।
शिशुमध्ये दुई छोराको तौल दुई-दुई केजी र छोरीको तौल डेढ केजी रहेको अस्पतालका चिकित्सक डा. कौशर आलमले जानकारी दिए ।
.jpg)
0 Responses to “पहिले चार छोरी त्यसपछी जन्मिए तिम्ल्याहा”
Post a Comment