Friday, December 13, 2013
तानाशाहले दिए आफ्नै फुपालाई मृत्युदण्ड
सैनिक अदालतले उनलाई सैनिक ‘कु’ मार्फत सत्ता उल्टाउने योजना बनाउएको भन्दै राज्यद्रोहको आरोपमा मृत्युदण्ड दिइएको हो ।
सैनिक अदालतले मृत्युदण्ड घोषणा गरेपछि उत्तर कोरियाका सरकारी सञ्चार माध्यमले उनलाई ‘गद्धार’ र ‘कुकुरभन्दा पनि निकृष्ट’ भन्ने आरोप लगाएका छन् ।
जङलाई कसरी मृत्युदण्ड दिइयो भन्ने प्रष्ट छैन । उत्तर कोरियामा गोली हानेर मृत्युदण्ड दिने प्रचलन छ ।
किम ‘डाइनास्टी’का पछिल्ला उत्तराधिकारी ३० वर्षीय किम जोङ–उनले सत्ता हानाथापमा आफ्ना फूपाजु जङलाई अघिल्लो हप्ता सेनाबाट बर्खास्त गरेका थिए ।
त्यसलगत्तै उनलाई सत्ताधारी वर्कश पार्टीको साधारण सदस्यबाट पनि हटाइएको थियो। जङ उत्तर कोरियाका संस्थापक नेता किम इल–सङका कान्छा ज्वाइँ हुन् । किम जङ –उनका पिता किम जङ–इलको १८ वर्षे कार्यकालमा जङले उत्तर कोरियाली सत्तामा दोस्रो प्रमुख व्यक्तिका रूपमा काम गरेका थिए । कलिलो उमेरमा नै सत्ताको उत्तराधिकारी बनेका किम जोङ–उनका अभिभावक थिए जङ ।
उत्तर कोरियामा सत्तारूढ परिवारका सदस्यलाई मृत्युदण्ड दिएको समाचार बाहिर आएको यो नै पहिलो घटना हो ।
योभन्दा अगाडिका सत्ता बिरोधी र सत्ता विप्लपका घटनालाई गुपचुप राख्ने गरिन्थ्यो । जङको सत्ता पतनका दृश्यले भने सरकारी टेलिभिजनमा नै स्थान पाए । उनलाई पार्टीले बर्खास्त गरेपछि पार्टीको बैठकबाट सेनाले घोक्राउदै बाहिर निकालेको दृश्य सरकारी टिभीले प्रसारीत गर्यो ।
सैनिक अदालतमा बयानका बेला जङलाई हतकडी लगाएको दृश्य पनि प्रसारित गरिएको थियो । बयानका समयमा उनलाई पाखुरामा दुई सैनिकले समातेका र पछाडिबाट तेस्रोले घिच्चुकमा ठेलेर टाउको निहुरियाएको अवस्थामा देखाइएको थियो। Tags: International
Subscribe to:
Post Comments (Atom)
.jpg)
0 Responses to “तानाशाहले दिए आफ्नै फुपालाई मृत्युदण्ड”
Post a Comment